Grupi i Shtetit Islamik ka publikuar një video për të cilën thotë se tregon ekzekutimin me prerje koke të një oficeri rus në Siri.
Videoja është publikuar në kanalet e mediave sociale të ISIS.
Shteti islamik thotë se personi që ekzekutohet në mënyrë brutale në video është kapiteni 36 vjeçar me origjinë ruse Jevgeny Petrenko, të cilin grupi islamik e akuzon se ka infiltruar në organizatat islamike të Kaukazit.
Ministria ruse e Mbrojtjes, ka mohuar se njëri nga oficerët e saj të zbulimit është kapur dhe ekzekutuar nga xhihadistët e ISIS-it, ata e kanë quajtur jo të vërtetë si fakt, raporton VOA.
Petrenko pohonte se ishte dërguar nga qeveria ruse për të depërtuar në nivelet më të larta të udhëheqjes së ISIS-it dhe akuzonte Shërbimin Federal rus të Sigurisë për braktisjen e tij në misionin që ai kishte marrë përsipër. (M.D/Shuplaka)
Discussion about this post