ISIS ka një shënjestër të re, djalin e Donald Trump-it

Shteti Islamik ka një objektiv të ri , djalin 11-vjeçar i Presidentit amerikan Donald Trump, Barron.

Sipas “The Free Beacon”, grupi terrorist po shpërndan detaje personale për fëmijën në kanalet e mediave sociale, duke përfshirë adresën e shkollës së tij.

Instituti për Hulumtime të Medias në Lindjen e Mesme (MEMRI) përktheu thirrjet masive për vrasje në aplikacionin popullor “Telegram”.

Ky post u pasua nga një fotografi e Barron Trump. Për të përhapur gjerësisht thirrjen për vrasje, disa kanale pro-ISIS Telegram kanë ndarë dhe transmetuar postin. 

Barron Trump nuk është viktima e vetme e kërcënimeve të pandërprera nga Shteti Islamik. Grupi bëri thirrje për vrasjen e Papa Françeskut në aplikacionin Telegram javën e kaluar. Po ashtu futbollistët më të njohur si Ronaldo. Mesi apo Neymar kanë rënë pre e provokimeve nga shteti islamik. 

ISIS ka humbur vazhdimisht territorin në Lindjen e Mesme gjatë vitit të kaluar. Ekspertët thonë se grupi i drejtohet thirrjeve publike për terror, kur humbet fuqinë.

(E.K/Faxweb)