Pas sulmit të së premtes në Jerusalem ku një punonjëse e sigurisë izraelitite si dhe të tre palestinezët, mbetën të vrarë nga ushtria izraelite.
Ky shënon dhe sulmin e parë në territoret e pushtuara palestineze i marrë përsipër nga grupi islamik.
Por pretendimi i ISIS-it rezulton të ketë qenë i pavërtetë, i përgënjeshtruar si nga Izraeli, ashtu dhe nga Hamasi.
Ushtria izraelite mohoi një ditë më parë çdo lidhje të ISIS-it me sulmet e së premtes.
“Nga vlerësimet tona, sulmi u krye nga një celulë lokale,” është thënë në një deklaratë të forcave të armatosura izraelite.
Të njëjtin qëndrim ka dhe Hamasi, që deklaron se pretendimi i ISIS-it është i rremë, e se tre mësymësit u përkisnin radhëve të tij dhe të Frontit Popullor për Çlirimin e Palestinës.
Zëdhënësi i Hamasit, Sami Ebu Zuhri, e quajti marrjen përsipër të sulmit nga ISIS-i një përpjekje për të turbulluar ujërat. “Vrasja (e punonjëses izraelite të sigurisë) ishte një reagim i natyrshëm ndaj krimeve të pushtuesit,” u shpreh ai. (S.SH/Shuplaka)
