ISIS merr përsipër sulmin në Stamboll: Ushtari ynë hero…

ISIS merr përgjegjësinë për sulmin në klubin e natës në Stamboll, ku 39 persona humbën jetën dhe 69 të tjerë mbetën të plagosur.

I ashtuquajturi Shteti Islamik tha në një deklaratë se sulmi është kryer nga “një ushtar heroik”.

“Duke vazhduar operacionet e bekuara që Shteti Islamik ka zhvilluar kundër mbrojtësve të kryqit, në këtë rast Turqia, një ushtar heroik i Kalifatit ka goditur një nga klubet më të famshme të natës në të cilën të krishterët festojnë festat e tyre”, thuhet në deklaratën e Shtetit Islamik.

Në klubin “Reina” të Stambollit, po festonin natën e ndërrimit të viteve rreth 600 persona.

Por festa e tyre mori fund shumë shpejt, pikërisht për shkak të sulmit të organizuar nga ISIS.

Kjo nuk është hera e parë që kjo organizatë terroriste sulmon Turqinë, pasi edhe dy sulme të tjera të vitit të kaluar, një në një xhami dhe një tjetër në aeroportin e Stambollit kanë qenë organizuar pikërisht nga ISIS. (D.D/Shuplaka)