Grupi ekstremist ISIS ka pushtuar zonën malore Tora Bora, në lindje të Afganistanit. Në këtë vend ishte strehuar më parë themeluesi i Al-Kaidës, Osama bin Laden.
Përmes një audio inçizimi të transmetuar në Radion Khilfat, që është radio e militantëve, u njoftua se pas përleshjeve të ashpra me talebanët, flamuri i ISIS është vënë mbi kompleksin e gjerë të nje shpelle në provincën Nangarhar, shkruan New York Times.
Tora Bora dhe hapësira rreth saj tashmë është nën kontroll të Shtetit Islamik. Pas disa ditë luftimesh, qindra famije janë detyruar të largohen nga shtëpitë e tyre.
Militantët e Al-Kaidës të udhëhequr nga Bin Laden u fshehën nëpër shpella në Tora Bora pas pushtimit të udhëhequr nga SHBA-të më 2001, që rrëzoi talebanët nga pushteti në Kabul.
(M.D/Shuplaka)
