Publikimi i nga Autoriteti i Komunikimeve Elektronike dhe Postare (AKEP), të një liste me 44 subjekte online të pa regjistruara, ka reaguar edhe administratori i “Zjarr.Tv”, Ismet Drishti. Media e këtij të fundit ishte pjesë e listës së publikuar nga AKEP.
Me anë të një reagimi zyrtar, Drishti e quan si një listë e shëmtuar e cila nuk është hartuar në zyrat e këtij institucioni, pasi media që ai drejton është në varësi direkte nga AMA.
“Duket që ajo listë nuk ishte hartuar në zyrat e atij institucioni thjeshtë për faktin se në fund të listës ishte edhe Zjarr.tv që nuk është subjekt i mbikqyrjes së këtij institucioni pasi Zjarr Televizion është në varësi direkte nga AMA.”, shprehet Drishti.
Për këtë ai ka publikuar edhe të dhënat e kanalit të tij të diponueshme në faqen zyrtare të Autoriteti të Medias Auudiovizive (AMA).
Sipas Drishtit, ky është një presion ndaj medies së tij, ndërsa i kundërvihet kryeministrit Rama, teksa i kujton se kanë qenë shokë fakulteti. “oti Kryeministër, ish shoku im I fakultetit, të kujtoj që nuk ka burrë të me mbyllë gojen pasi unë nuk shpif! Nuk jam si larot që I vine rrotull selive partiake për të lëpirë ndonjë kockë!”, – shkruan Drishti.
Reagimi i plotë:
Një listë e shëmtuar u publikua para dy ditësh nga AKEP me 44 portale.
Duket që ajo listë nuk ishte hartuar në zyrat e atij institucioni thjeshtë për faktin se në fund të listës ishte edhe Zjarr.tv që nuk është subjekt i mbikqyrjes së këtij institucioni pasi Zjarr Televizion është në varësi direkte nga AMA.
Siç e shikoni në faqen zyrtare të AMA janë të gjitha të dhënat e kanalit tim televiziv.
Nëse fjala ime I djeg dikujt dhe kërkon të bëjë presion me të tilla metoda e sqaroj se as dhuna dhe as presioni shtetëror nuk do më thyej dot!
Zoti Kryeministër, unë nuk jam pjesë e asnjë kazani e ky fakt mbase të shqetëson, unë nuk kam marrë asnjë tender dhe asnjë kokërr leku nga buxheti I shtetit qëkur ky shtet është krijuar dhe e kam ngritur çdo gjë me shpatullat e mia duke u ruajtur që të mos bëhem pis në ambjentet e politikës që janë të qelbura dhe po kutërbojnë deri në Washington! Zoti Kryeministër, ish shoku im I fakultetit, të kujtoj që nuk ka burrë të me mbyllë gojen pasi unë nuk shpif! Nuk jam si larot që I vine rrotull selive partiake për të lëpirë ndonjë kockë!
Nëse humori im te dhëmb Ty ose bashkpunëtorëve të Tu shihni e gjejeni të keqen te vetja!
Unë jam gati të më bëhet vetting, po ti a je?
Unë kam vetëm një Skënderbe! Ti nuk mund të jesh kurrë Skënderbeu im! Bëhu burrë, eja në Studio e ma thuaj në sy që jam pjesë e ndonjë kazani!
Ish shoku yt i fakultetit
I varur veç nga zoti
Ismet Drishti
(B.B/ Faxweb.al)
Discussion about this post