Itali, arrestohet dhe dënohet shqiptari për shpërndarje kokaine

Një 29-vjeçar shqiptar është arrestuar dhe dënuar në Itali për shpërndarje droge.

29-vjeçari Enxhi Halimi, akuzohet se i ka shitur afërsisht 0.6 gramë kokainë një klienti të huaj, kundrejt 60 eurove, si dhe për posedim të 2.3 gramë kokainë. Droga ishte ndarë në katër mbështjellës plastikë të mbyllura me nxehtësi, gati për shitje.

Shqiptari kishte një nga këto në duar kur u kontrollua nga karabinierët e kompanisë Macerata, tre të tjerët ishin fshehur në kabinën e pasagjerëve të makinës, të ndaluar në parkingun e Abacisë së Fiastra.

29-vjeçari akuzohet se ka shpërndarë 19 gramë kokainë, me të paktën 38 raste të shitjes të dozave të vetme nga gjysmë gram secila, për një vlerë jo më pak se 2280 euro, gjithmonë tek i njëjti person me të cilin ishte takuar në Fiastra të shtunën pasdite.

Gjatë seancës 29-vjeçari shqiptar me banim në Corridonia ka shfrytëzuar të drejtën për të mos u përgjigjur dhe ka rënë dakord për një marrëveshje për pranimin e fajësisë prej një viti e dy muaj, me një dënim me kusht.