Itali/ Kapet shqiptari me rreth 400 mijë euro cash të fshehura në makinë, detaji që e “tradhtoi”

Autoritetet italiane sekuestruan pothuajse 400 mijë euro të fshehura në një automjet.

Në makinën e drejtuar nga një shtetas shqiptar me histori trafiku droge, ishte krijuar një fund fals në çati dhe një poshtë sediljes së makinës.

Më në detaje, oficerët e grupit Gioia Tauro, të angazhuar në një aktivitet kontrolli ekonomik të territorit, duke shfrytëzuar ndihmën e njësisë së qenve “cash dog”, vunë re se tapeti i sipërm pranë mbulesës së pasme të makinës ishte manipuluar dhe aty ishin fshehur gati 40 mijë euro.

Një kontroll më i thelluar, sërish me ndërhyrjen e njësisë së qenve, bëri të mundur identifikimin e një fundi të dyfishtë të krijuar në dyshemenë poshtë sediljes së shoferit me 350 mijë euro të tjera prerje të ndryshme të ngjeshura në të.

Drejtuesi i mjetit është raportuar në Prokurorinë Publike kompetente Palmi.