Një ngjarje e rëndë ndodhi në Frosinone të Italisë mbrëmjen e djeshme, ku një shqiptar humbi jetën dhe tre të tjerë u plagosën në një përplasje bandash. Sipas mediave italiane, një 30-vjeçar shqiptar u vra në rezultat të të shtënave me armë zjarri. Shtetasi shqiptar, 23-vjeç, është arrestuar dhe akuzohet për vrasje dhe tre tentativa vrasjeje. Tre persona të tjerë që ishin në ngjarje janë aktualisht në kërkim.
Duke nisur nga raportimet, përplasja nuk ka qenë mes shqiptarëve dhe marokenëve siç është thënë në fillim. Në fakt, përplasja ka ndodhur mes dy bandash shqiptare. Grupi i parë me pesë persona ishte në një tavolinë jashtë lokalit “Shake”, ndërsa grupi kundërshtar përbëhej nga katër anëtarë, gjithashtu shqiptarë.
Autori i ngjarjes qëlloi me të paktën 10 plumba, ku një 30-vjeçar u godit në gjoks dhe humbi jetën në vendngjarje. Policia sekuestroi makinën e sulmuesve në rrugën paralele me Via Aldo Moro, ku ata kishin mbërritur në qendër të Frosinone. Në momentin e përplasjeve, në restorant ishin të paktën 50 klientë.