Itali/ Thikë në gjoks shqiptarit, dy të arrestuar

Dy shqiptarë janë arrestuar nga policia italiane në qytetin Trani, pasi kanë plagosur me thikë bashkëkombësin e tyre 34-vjeçar Elis Rredhi.

Të arrestuarit janë Vilson Dapi, 29 vjeç dhe Veli Hakballa, 24 vjeç. Pas arrestimit ata u dërguan në Burgun e Tranit.

Ngjarja ka ndodhur mbrëmjen e kaluar, kur dy shqiptarët kanë goditur me thikë në gjoks bashkëkombësin e tyre pas një sherri për motive banale, raportojnë mediat vendase.

34-vjeçari është transportuar në spitalin e Barit, ku i është nënshtruar një ndërhyrje kirurgjikale dhe ndodhet në gjendje të rëndë shëndetësore.

(M.Q/Faxweb)