Mëngjesin e sotëm ka rënë zjarr në Fakultetin e Bujqësisë “Units” në zonën e Riello-s të Italisë. Ndërkohë, zjarrfikësit kanë punuar që nga ora 10:15 për të shuar zjarrin.
“Stafi arriti të afrohej në pikat e ndryshme të prekura nga zjarri. Situata është plotësisht nën kontroll, jam optimist se gjithçka do të shuhet gjatë mbrëmjes – ka thënë komandanti i brigadës së zjarrfikësve, Mauro Caprarelli
“Pastaj do të monitorojmë, do të bëjmë një kontroll të plotë, duke pastruar materialin, duke u përpjekur ta largojmë atë dhe duke verifikuar që nuk ka zjarre të tjera të fshehura”.- ka thënë komandanti i brigadës së zjarrfikësve për mediat.
Nesër do të ketë një inspektim të mëtejshëm për të vlerësuar sigurinë, dëmet dhe për të parandaluar formimin e shpërthimeve të tjera.
Ndërkohë, zona mbetet e kufizuar për sigurinë e qytetarëve.
Dritaret në ndërtesat do të mbeten të mbyllura në raste se evidentohet tymi nga zjarri i mëparshëm në zonë.
Në vendngjarje, përveç zjarrfikësve, ka oficerë policie, punonjës të mbrojtjes civile.
