Përhapja e lajmeve se Shteti Islamik do të sulmojë Italinë gjatë muajvë të fundit ka qenë në mendjet e qytetarëve italianë për muaj të tërë. Këtë lajm e ka konfirmuar edhe Shefi i Policisë së Italisë, Franco Gabrielli i cili u shpreh se ky shqetësim ka arritur një nivel të lartë dhe nuk ka dyshim që Italia do ta paguajë këtë çmim.
“Unë do të flas drejt. Herët apo vonë ne do e paguajmë këtë çmim, nuk ka dyshim. Është e kotë të gënjejmë vetveten. Vetëm shpresojmë se do të jetë sa më i përmbajtur të jetë e mundur, por jemi në rrezik”, tha Gabrielli në një intervistë të botuar në gazetën italiane, “Il Giornale”.
Fjalët e tij mbështeten nga fakti se hetimet për të dyshuarit besohen se lidhen me ISIS në Itali dhe treguan se ata ishin në fakt “gati për të zbatuar sulme dhe për të vrarë njerëz”, siç shpjegoi Gabrielli.
I pyetur nëse rreziku për të pasur sulme terroriste në Italia është seriozisht i lartë, Gabrielli u përgjigj : “Po, unë besoj se për këtë duhet të jemi të vetëdijshëm se mundësia e një sulmi është shumë e lartë”.
Shqetësimet në lidhje me sulme të mundshme terroriste në Itali janë ngritur gjatë muajve të fundit që kur Anis Amri, tuniziani që konsiderohet përgjegjës për sulmin e dhjetorit të 2016-ës në Berlin, u kap nga policia italiane në Milano. Ky i fundit ku kap pasi kreu krimin makabër në Berlin.
Po kështu flamujt e ISIS janë parë në qytete të ndryshme në Shqipëri. Sipas shërbimeve të fshehta italiane, kërcënimi kryesor tani përfaqësohet nga anëtarët e radikalizuar të komuniteteve shqiptare që jetojnë në rajonin e Pulias në jug-lindje të Italisë.
“Kërcënimi i Ballkanit është diçka e mundshme, nuk është e vërtetë”, tha Alessandro Orsini, drejtor i Observatorit për Sigurinë Ndërkombëtare në LUISS Universitetin e Romës, për Al Arabiya. “Sulmet terroriste që ndodhën në qytetet perëndimore nuk janë kryer nga shtetas shqiptarë, armët e përdorura për sulmet nuk kishin lidhje me trafikun e armëve të paligjshme në Shqipëri dhe nuk ka pasur përfshirje të organizatave kriminale shqiptare”, shpjegoi Orsini, i cili është gjithashtu anëtar i Institutit të Teknologjisë në Massachusetts (MIT), duke shtuar se këta tregues empirike tregojnë se Shqipëria duhet të ndiqet nga afër, por se nuk ka kërcënime direkte për Italinë nga Shqipëria. (J.V/Shuplaka)
