Burime nga policia e Durrësit e cila në bashkëpunim me organin e akuzës po merret me zbardhjen e ngjarjes së djeshme ku mbeti i vrarë 40 vjeçari Fariz Bardhi kanë arritur në përfundimin se vrasja është kryer me porosi pra me paramendim. Duke ndjekur dinamikën e ngjarjes dyshohet se vrasësit janë nga zona veriore e vendit.
Gjithçka ka qenë e përgatitur me kujdes nga ana e tyre thonë burimet. Duke nisur që nga ora e ngjarjes pasi në atë kohë në rrugicë dhe në rrugën e madhe ka pak lëvizje për shkak të vapës dhe impenjimit të banorëve të lagjes është planifikuar kjo vrasje, raporton Fax News.
Gjithashtu ata kanë studiuar lëvizjet rutinë të viktimës gjatë ditës dhe në bazë të kësaj kanë kryer edhe vrasjen. Policia ka punuar gjatë gjithë natës dhe ka marrë në pyetje mbi 15 persona për të marrë dëshmi lidhur me ngjarjen por nuk ka njoftime për rezultate konkrete. Në të gjithë perimetrin nuk ka pasur asnjë kamër sigurie të instaluar gjë që e vështirëson zbardhjen e ngjarjes.
Në momentin e ekzekutimit viktima ka qenë në oborrin e banesës dhe është thirrur nga jashtë ndoshta nga një person që e njihte. Sapo ka hapur derën është qëlluar 12 herë me breshëri me armë automatike.
Në banesë ndodhej nëna e tij ndërsa bashëshortja me 2 fëmijët kishin shkuar për pushime. Nga ana tjetër e banesës gjendje kushëriri i tij i afërt.Kanë qenë këta që kanë njoftuar policinë dhe spitalin për ngjarjen.Viktima është dërguar më autoambulancë në spital në gjendje të plagosur por mjekët e kanë pasur të pamundur ta mbanin në jetë.
Discussion about this post