“Iu desh 5 orë që të zgjohej, kishte marrje mendsh, fliste përçart, ka vjellë”, aktorja Pitarka rrëfen historinë e nipit të saj tek klinika ku humbi jetën fëmija 3 vjeç

Aktorja Eliona Pitarka ka reaguar për rastin tragjik të 3-vjeçarit që humbi jetën si pasojë e mbidozës së narkozës në një klinikë dentare.

Fëmija ishte për 3 ditë në QSUT , pas vizitës në klinikën dentare, ku humbi jetën pas qëndrimit në koma. Pitarka thotë se tek ajo klinikë ajo kishte çuar nipin e saj 1 vit më parë.

Pas vizitës së nipit tek klinika iu desh 5 orë që të zgjohej dhe kur u zgjua kishte marrje mendsh,të vjella dhe fliste përçart. Gjithashtu ajo ndjehet fajtore që nuk e denoncoi atë klinikë 1 vit më parë për shkak të nipit të saj, sepse në këtë mënyrë ndoshta dha tragjedia me 3-vjeçarin nuk do të kishte ndodhur.

Postimi i Eliona Pitarkës në InstaStory:

Para një viti kemi dërguar nipin tonë në atë klinikë. Pas narkozës që i ka aplikuar nipit tim për mbushjen e kësaj dhëmballe te kjo klinikë, iu desh 5 orë që të zgjohej. Pasi është zgjuar nipi kishte marrje mendsh, fliste përçart, ka vjellë. Dhe ajo klinikë asnjëherë nuk na u përgjigj në telefon për të na thënë nëse kjo ishte normale. Dhe pengu im më i madh është që nuk e bëra publike atë rast. Dhe them peng sepse kur i tregova rastin tim babait të 3 vjeçarit tha: “Ku ta dija unë se ku e çova djalin. Nëse do e dija nuk e kisha çuar”. Dhe ndjehem fajtore që nuk e bëra publik rastin”, thotë Eliona Pitarka.

View this post on Instagram

 

A post shared by Revista | CLASS | MAGAZINE (@revistaclass_)