Dy automjete të cilat ishin të parkuara në afërsi të Kishës Franceskane në Shkodër janë djegur gjatë natës, rreth orës 23:30 të së dielës. Faxweb.al, mësoi se makina është në pronësi të gjyqtarit të Shkodrës Andri Ymeri, i cili ka qënë për disa vite edhe Kryetari i Gjykatës së Shkodrës.
Por emri i Ymerit nuk është aspak i panjohur. Në vitin 2014, Ymeri u denoncua nga emisioni investigative “Fiks Fare”, pasi sëbashku me një tjetër gjyqtar Ken Dhima, kishin marrë 2 mijë euro për të liruar nga burgu një të dënuar.
Në atë kohë u publikuan edhe bisedat mes gjyqtarit dhe të dënuarit. Avokati i të dënuarit deklaroi se paratë i kishte marrë për gjyqtarët. Për këtë çështje Prokuroria e Krimeve të Rënda nisi hetimet.
Por kjo nuk ishte e vetmja akuzë ndaj gjyqtarit. Për të njëjtën akuzë ai është kallëzuar edhe nga një i dënuar me 21 vite burg. Gentian Hoxha, një i ri i cili është dënuar në mungesë me 21 vite burg nga ky gjykatës, në një kallëzim të paraqitur më 18 dhjetor të 2014 në Prokurorinë e Përgjithshme tregon se gjyqtari Ymeri i kishte kërkuar 25 mijë euro, që t’i hapej sërish çështja.
Ymeri akuzohet për shpërdorim detyre dhe mosmbajtje të procesverabeleve të çështjes në vitin 2009. I dënuar në burgun e ShënKollit ka denoncuar edhe është dënuar padrejtësisht në mungesë pasi ka qenë në Spanjës.
Discussion about this post