Finalizohet operacioni policor i koduar “Patoku”, përmes së cilit policia ka arrestuar një person dhe ka sekuestruar një sasi të konsiderueshme lëndësh narkotike.
Operacioni i policisë u ndërmor pas një informacioni se një shtetas i nisur nga Tirana drejt Lezhës po transportonte lëndë narkotike.
Nga operacioni është arrestuar shtetasi N.N., 31 vjeç, banues në Tiranë, i cili ka qenë edhe drejtuesi I mjetit, si dhe ka sekuestruar në cilësinë e provës materiale 3 kilogramë lëndë narkotike, të dyshuar Cannabis Sativa.
Lënda narkotike u gjet në brendësi të një televizori, pas kontrollit të ushtruar në automjetin e 31 vjeçarit N.N. Materialet i kaluan Prokurorisë së Rrethit Gjyqësor Lezhë, ndërkohë N.N është I akuzuar për veprën penale,”Prodhimi dhe shitja e lëndëve narkotike”, neni 283 i Kodit Penal.
Raporti i plotë i policisë Lezhë:
Tjetër goditje në fushën e narkotikëve falë ndërgjegjësimit, besimit dhe bashkëpunimit me aleatin tonë më kryesor, qytetarin
Finalizohet operacioni policor i koduar “Patoku”, sekuestrohet lëndë narkotike, në pranga poseduesi.
Specialistët e hetimit të narkotikëve, mbi bazën e një informacioni të marrë nga qytetarët për një shtetas i cili ishte nisur nga Tirana në drejtim të Lezhës, dhe me automjetin e vet po transportonte lëndë narkotike, menjëherë kanë organizuar, zhvilluar dhe finalizuar operacionin policor të koduar “Patoku”.
Në aksin rrugor Tiranë -Lezhë, në kthesën e Patokut, Shërbimet e Policisë kanë ndërhyrë ku kanë bërë të mundur bllokimin e automjetit së bashku me drejtuesin shtetasin N.N., 31 vjeç, banues në Tiranë.
Gjatë kontrollit të ushtruar në automjetin e tij, në brendësi të një televizori, policia gjeti dhe sekuestroi në cilësinë e provës materiale 3 kilogramë lëndë narkotike, të dyshuar Cannabis Sativa.
Në përfundim të veprimeve të para hetimore u bë arrestimi në flagrancë i shtetasit N.N dhe materialet i kaluan Prokurorisë së Rrethit Gjyqësor Lezhë për veprën penale,”Prodhimi dhe shitja e lëndëve narkotike”, neni 283 i Kodit Penal.
Discussion about this post