Iu gjet kokainë në banesë, babai i Bledar Toçit: Drogën e solla unë sepse e përdor për qetësues

Eshtë dhënë para pak minutash masa e sigurisë “Arrest me burg” për vëllain e Bledar Toçit, Bernard Toçin.

Gjykata e Kavajës la në burg vëllain e Bledar Toçit për shpërndarje të lëndëve narkotike.

Bernard Toçit iu gjet në banesë 7 doza kokainë. Mësohet se Bernard Toçi ka qenë e proceduar edhe më parë.

Në seancë, avokati i Toçit, ka paraqitur si provë në gjykatë deklaratën e të atit. I ati i Bernardit ka pohuar se lënda është sjellë nga ai në banesë e jo nga Bernardi. I ati i Bernardit ka pohuar se e përdorë kokainën si efekt qetësuas pasi është i sëmurë.

Avokati i Toçit shprehet se arrestimi i tij është i paligjshëm dhe se ai nuk lidhje me ngjarjen.

Ndërsa Bernard Toçi nuk ka pranuar të flas asnjë fjalë, duke deklaruar që ia lë në dorë avokatit mbrojtjen.

Gjykata nuk e ka pranuar deklaratën e të atit dhe nuk e njeh si provë

(K.H/Faxweb.al)