Iu hodhën bomba molotov drejt zyrës, reagon Edi Rama: Nga zjarri s’ke ç’na bënë…

Kryeministri Edi Rama ka reaguar për herë të parë për protestën e opozitës që po mbahet përpara zyrës së tij. Me gjuhën e tij të zakonshme dhe aspak zyrtare, Rama thotë se opozita të vetmen alternativë ka flakët.

Reagimi i Ramës:

Çfarë trishtimi një lider opozite që me zë të ikur i thotë qeverisë “Aman ik!”,ndërkohë që ata rrotull tij hedhin zjarr mbi godinën e saj! Uroj që kujt vete ende pas kësaj politike qorre, t’i jetë hapur sonte syri nga zjarri që qeverisë s’ka ç’i bën, po Shqipërisë i bën veç dëm

Protesta e sotme është e vendosur para kryeministrisë, dhe duket se qëndresa do të vijojë deri në mesnatë. Më herët thirrje për shmagien e elementëve të dhunës ka bërë dhe presidenti i vendit Ilir Meta.

Mesazhi i presidentit Meta:

Presidenti i Republikës, Sh.T.Z Ilir Meta është duke ndjekur me shumë shqetësim protestën e opozitës dhe u kërkon të gjithëve të ruajnë qetësinë, të evitojnë aktet e dhunës dhe konfrontimet, që mund të shkaktojnë lëndime në njerëz dhe dëme ndaj institucioneve.

Thirrja e ministrit të brendshëm Sandër Lleshaj:

Policia, nepermjet nje punonjesi te patrulles se pergjithshme  thirrje në megafon drejtuar protestuesve dhe organizatorëve të protestës

Me Molotov nuk ndërtohet demokracia, por synohet të shkatërrohet Shqipëria. Por kjo gjë është e pamundur!

Ftoj qytetarët e përgjegjshëm të distancohen nga sulmi ndaj institucioneve. Askush nuk mund ta djegë Shqipërinë përsëri!

Thirrja e bërë nga Policia:

Te nderuar qytetarë,

Ruani qetësinë, ruani gjakftohtësinë.

Mos hidhni lëndë piroteknike, fishekzjarre, kapsolla, tymuese dhe bomba  molotov  në drejtim të punonjësve të Policisë.

Hedhja e kapsollave, bombave molotov dhe lëndëve piroteknike po  rrezikon jetën e punonjësve të Policisë

Të nderuar organizatorë të tubimit:

I nderuar zoti Gazmend Bardhi

Merrni masa të menjëhershme që protestuesit te nderpresin veprimet e dhunshme. Po demtoni e rrezikoni jeten e punonjesve te policise.

Si organizatorë të protestës, jeni përgjegjës përballë ligjit për mbarëvajtjen paqësore të tubimit, ndaj menjëherë merrni masa që protestuesit të ndalojnë hedhjen e kapsollave dhe lëndëve piroteknike dhe  bombave motov  në drejtim të Policisë.

(E.K/FAXWEB.AL)