Teksa ishte duke tentuar të kalonte kufirin nga Qafa Thana është arrestuar nga policia një shtetase polake. Sara H, 25 vjeçe u arrestua nga policia ë pasi më datë 08.09.2017, në dalje të P.K.K Qafë-Thanë, në mjetin tip “Volkswagen” në pronësi të kësaj shtetase (me drejtues shtetasin Jozef Drynda, i cili udhëtonte së bashku me babain e tij) u gjetën e sekuestruan në cilësinë e provës materiale 69 pako me peshë 24 Kg e 400 gr lëndë e dyshuar narkotike Cannabis Sativa.
DETAJE:
Në vijim të informacionit datë 09.09.2017, i cili bën fjalë për kapjen e një sasie prej 24 kg e 400 gr lëndë e dyshuar narkotike Cannabis Sativa, në dalje të Republikës së Shqipërisë në Pikën e Kalimit Kufitar të Qafë-Thanës, ju informojmë se, specialistët e Seksionit për Narkotikët në Drejtorinë Vendore të Policisë Korçë, bënë ndalimin e shtetases të shpallur në kërkim : Sara H, 25 vjeçe, banuese në Poloni. Ndalimi i saj u bë pasi më datë 08.09.2017, në dalje të P.K.K Qafë-Thanë, në mjetin tip “Volkswagen” në pronësi të kësaj shtetase (me drejtues shtetasin Jozef Drynda, i cili udhëtonte së bashku me babain e tij) u gjetën e sekuestruan në cilësinë e provës materiale 69 pako me peshë 24 Kg e 400 gr lëndë e dyshuar narkotike Cannabis Sativa.
Materialet iu referuan Prokurorisë të Krimeve të Rënda në Tiranë për veprën penale: “Trafikimi i narkotikëve, kryer në bashkëpunim” parashikuar nga neni 283/a/2 të Kodit Penal. (J.V/Shuplaka)
