Nga ana e policisë është finalizuar operacioni “Exchange” në Tiranë dhe në prangat e policisë kanë rënë një çift bashkëshortësh Alfred Alku, 36 vjeç dhe Ornela Alku, 32 vjeç pasi akuzohen për mashtrim ndaj qytetarëve pasi iu kanë marrë shumën prej 430.000 euro.
Mbi ta rëndon vepra penale, “Mashtrim i kryer në bashkëpunim”.
DETAJE:
Më datë 23.07.2017 në sajë të informacioneve të marra në rrugë operative nga ana e tyre u bë e mundur ndalimi i shtetasve : – Alfred Alku, 36 vjeç dhe Ornela Alku, 32 vjeç, banues në Tiranë, burrë dhe grua.
Ndalimi i këtyre shtetasve u bë pasi këta shtetas kanë qënë të shpallur në kërkim nga Seksioni i hetimit të krimit ekonomik dhe financiar, pasi në bashkëpunim me njëri- tjetrin, iu kanë marrë shtetasve të ndryshëm shuma të konsiderueshme parash ( në euro dhe valutë), me vlerë 430.000 euro.
Në cilësinë e provës materiale u sekuestruan: – 773.400 lek – 450 euro – 100 dollar – 350 paund. Materialet u referuan në Prokurorinë e Rrethit Gjyqësor në ngarkim të tyre, për veprën penale “Mashtrim i kryer në bashkëpunim”, parashikuar nga Neni 143/3 i Kodit Penal. (J.V/Shuplaka)
Discussion about this post