Nga Xarra e Sarandës, Edi Rama habiti sot kur u shpreh në një moment se PS nuk e do votën për më shumë pushtet për vete, pasi nëse Partia Socialiste do të donte më shumë pushtet, do e kishte lënë Partinë Demokratike në çadër.
Një deklaratë për t’u habitur kjo duke marrë në konsideratë se prej ditësh tashmë, në dhjetëra takime elektorale që ai ka zhvilluar, ka ngulmuar në kërkesën e tij ndaj qytetarëve shqiptarë për t’ia dhënë atij, PS-së, timonin e qeverisjes. Lutja e tij ka shkuar edhe më tej, duke iu drejtuar edhe shqiptarëve demokratë.
Deklaratat për timonin e qeverisjes, për qeverisje pa të tjerë në prehër, janë komentuar së shumti nga përfaqësues politikë duke shkaktuar përplasje mes PS-së dhe LSI-së që nuk kanë kursyer akuzat ndaj njëra-tjetrës.
“Nuk e duam votën për shumë pushtet për vete. Po të donim votën, e linim Lulin në çadër. Po të donim pushtet për vete, merrnim 100 deputet dhe e kishin detin kos. Por u përpoqëm dhe u përpoqa siç nuk ma ka marrë mendja dhe erdhëm në momentin që shpëtuam nderin e Shqipërisë.
Demokratët na kanë një borxh, Lulin ua shpëtuam, udhëheqjen ua shpëtuam, tani do na jepni votën neve që të shpëtojmë Shqipërinë. Prej 14 ditësh iu lutet për votën, por habit sot Edi Rama: S’e duam votën për më shumë pushtet!”, tha Rama ndër të tjera.
(XH.A/SHUPLAKA)
Discussion about this post