Iu ndalua hyrja në SHBA, Prokuroria e Krimeve të Rënda lëshon fletëthirrjen për Dakon

Ish-kreu i bashkisë Durrës, Vangjush Dako ka marrë një fletëthirrje nga Gjykata për Krime të Rënda, ku do të paraqitet rreth muajit Shtator.

Burimet brenda këtij organi konfirmojnë se Dako pritet të paraqitet për të dhënë versionin e tij lidhur me akuzat e bëra për dosjen 339.

Nuk ka informacione nëse do të jetë si i dyshuar, apo thjesht për si person në dijeni të ngjarjeve. Pak ditë më parë Dakos dhe familjarëve të tij iu ndalua hyrja në SHBA.

Në njoftimin e tij DASH tha se ka dyshime të forta që Dako ka konsumuar vepra penale të rënda të korrupsionit.

Dako i ka mohuar në mënyrë të vazhdueshme akuzat që janë bërë në drejtim të tij. Madje sipas deklaratave të bëra ai e ka quajtur veten ‘’akullore”.

(E.K/Faxweb.al)