Një efektiv policie ka humbur jetën dhe një tjetër është plagosur si pasojë e një sulmi me armë shënuar në Georgia (SHBA), në afërsi të një universiteti.
Dy efektivët iu përgjigjën një thirrje për ndihmë në këtë zonë ku u njoftua se po ushtrohej dhunë në familje, por kur shkuan në vendngjarje u përballën me breshëri plumbash.
Efektivi Nicholas Ryan Smarr, 25 vjeç, u transportua menjëherë në spital në gjendje kritike për jetën, pas të shtënave shënuar mbrëmjen e së mërkurës. Ai vdiq të enjten si pasojë e plagëve të marra.
Në një konferencë për mediat, zyrtarë të policisë bënë me dije se autori i krimit të rëndë, Minquell Lembrick, 32 vjeç, i cili nuk iu përgjigj thirrjeve për negociata dhe vrau veten, kishte një të kaluar të gjatë kriminale.
Discussion about this post