Mund të themi pa frikë që “Big Brother” i këtij sezoni është shoqëruar me skandale të njëpasnjëshme. Disa ditë më parë në media u publikua një video me përmbajtje pornografike që kishte si personazh një nga banorët, Donaldin.
Duket se kjo ka lënë pasojat e veta dhe te publiku pasi Donaldi ishte një nga personat që u nxorrën jashtë shtëpisë ditën e djeshme.
I pyetur në studion e Big Brother nëse është ai, apo dikush tjetër në atë video, Donaldi ka pranuar se është ai personazhi në videon erotike, duke shtuar se është një video për të cilën ai ka mësuar vite më parë që është publikuar në uebsajte pornografike.
Donaldi ka mohuar kategorikisht që të jetë ai autori i publikimit të kësaj videoje në këto faqe.
“Ai jam unë. Nuk e di kush e ka hedhur, por nuk e kam hedhur unë. Ajo ka qenë një video e ruajtur në telefonin tim. E kam marrë vesh para tre vitesh që ajo ishte publikuar në internet”, deklaroi Donaldi. (E.K/SHUPLAKA)
Discussion about this post