Iu shembin shtëpitë dhe bizneset pa i lajmëruar, çfarë po ndodh në Tiranë (Video)

Një ngjarje e paprecedentë po ndodh në këto momente në Tiranë në zonën e njohur si “Selvia” ku po shemben një shtëpi dhe dy biznese.

Gazetarja e Fax News Edona Haklaj raporton nga vendngjarja se janë shembur dy dyqane dhe një shtëpi ndaj të cilave pronarët disponojnë dokumente që vërtetojnë se janë të ligjshme dhe të pajisura me hipotekë pasi janë godina dhe banesa të vjetra.

Mësohet se po vijon shembja e dy dyqaneve si dhe një banese ku pronarët e tyre deklarojnë se nuk ka pasur asnjë njoftim, ku punonjësit e bashkisë sipas tyre kanë ardhur dhe kanë zabtuar pronat e tyre duke larguar në drejtim të paditur edhe materialet që ndodheshin brenda.

Pronarët deklaruan gjithashtu se i’u kanë treguar dokumentat e pronësisë por ata nuk i kanë përfillur dhe nga ana e tyre gjithashtu nuk kanë treguar asnjë shkresë ligjore që shpjegon këtë vendim.

https://www.facebook.com/faxweb.al/videos/326063218073490/

(F.GJ/FAXWEB.AL)