Tre të pandehurit që ishin të pranishëm në vrasjen e të riut Marvi Mihali i cili u qëllua me thikë pas një sherri për një karikues janë liruar nga burgu pasi gjykata ka zëvendësuar masën e sigurisë. Ata akuzoheshin për moskallëzim krimi.
Burime për ‘Fax News’ raportojnë se është liruar Eugen Bitraj , Kridens Alla dhe Marsel Alla, ndërsa në burg është Dejvi Bitraj, i cili sipas Prokurorisë ka qëlluar me thikë ndaj Marvi Mihalit.
Ndaj këtij vendimi ka reaguar ashpër nëna e Marvi Mihalit, të riut që u vra për një kërikues. Mira Mihali ka shpërthyer ndaj prokurorit të çështjes Artan Lulaj duke e quajtur maskara të etur për para.
“Më thoni o njerëz, çfarë duhet të bëj në këtë vend?Si do ta vendos drejtësinë?Ju lutem më ndihmoni…”, shkruan ndër të tjera ajo.
Postimi i nënës në ‘Facebook’
“Sot është një ditë e zezë për mua! Marvin tim ma vranë përsëri!. Tre nga kriminelët që bashkëpunuan në vrasje dhe dhunuan trupin e tij, në momentet e fundit ndërsa djali jepte shpirt, prokurori monstër, vampire, demoni, sharlatani, maskarai Artan Lulaj i etur për para, i kishte liruar nga burgu pa e ditur askush!O zot çfarë tmerri!Të shikosh vrasësit e birit të vetëm pa akuzë, të lirë në sallën e gjyqit dhe tek i shihja më dilte parasysh video e ngjarjes, shkelmat e tyre mbi trupin e djalit tim! Sa më e madhe se kaq duhet të jetë dhimbja?Dhe çfarë torturash të tjera duhet të kaloj!Më thoni o njerëz, çfarë duhet të bëj në këtë vend?Si do ta vendos drejtësinë?Ju lutem më ndihmoni…”- shkruan në profilin e saj Mira Mihali, nëna e Marvin Mihalit. (B.H/Faxweb)
Discussion about this post