Ditën e djeshme ka nisur festivali i përvitshëm veror i Bashkimit Ndërkombëtar të të rinjve Socialistë, në Jalë. Këtë vit, ky festival organizohet nga LRI dhe ka mirëpritur 400 të rinj të huaj.
Deputeti i LSI-së Endrit Braimllari, me anë të një postimi është shprehur se ndihet krenar për organzimin e Lëvizjes Rinore për Integrim për të mirëpritur të rinjtë socialistë nga 44 vende të globit.
Ai shkruan se “Ky aktivitet është një mundësi shumë e madhe për të zhvilluar edhe më tej marrëdhëniet me forumet socialiste rinore botërore, për të forcuar dhe shpërndarë vlerat e socialdemokracisë anembanë botës”, thotë Braimllari.
Postimi i plotë:
Krenar për organzimin e përkryer të Lëvizjes Rinore për Integrim për të mirëpritur të rinjtë socialistë nga 44 vende të globit, në eventin e rëndësishëm të kampingut në Jalë. Ky aktivitet është një mundësi shumë e madhe për të zhvilluar edhe më tej marrëdhëniet me forumet socialiste rinore botërore, për të forcuar dhe shpërndarë vlerat e socialdemokracisë anembanë botës si dhe për të promovuar potencialin fantastik të turizmit në Shqipëri.
S.SH/Shuplaka)
