Pasi u refuzua nga Ivanov, javën e ardhshme rikthehet sërish në Parlamentin e Maqedonisë për ratifikim ligji për marrëveshjen e emrit.
Presidenti Gjorge Ivanov, edhe pse kushtetuta e detyron ta firmosë, mesa duket do të refuzojë sërish të bëjë një gjë të tillë.
Kreu i Kuvendit, Talat Xhaferi i bëri thirrje, duke i kërkuar të reflektojë në shenjë të asaj që u konsiderua si ditë historike, ftesës për anëtarësim në NATO.
“Ne në Parlament do të bëjmë detyrën tonë, siç e dikton procedura. E ftoj dhe presidentin të bëjë të tijën”, ishte thirrja e Xhaferit.
Ai tha se kushtu do të ketë vetëm zvarritje dhe se presidenti nuk ka zgjidhje tjetër veçse të pranojë nëse ligji miratohet nga parlamenti.
I pyetur për referendumin, Xhaferi foli për dispozitat ligjore për shpalljen e datës. Ai përmendi edhe modelin e referendumit dhe faktin që nuk do të ketë nevojë për ndryshime, duke theksuar se do të respektohen të njëjtat procedura si për organizimin e zgjedhjeve.
Meqenëse bëhet fjalë për çështje të brendshme, Xhaferi sqaroi se diaspora mund të votojë në Maqedoni, por jo edhe jashtë vendit.
(E.T/Faxweb.al)
