Ivanov ka një kërkesë për Zaev për formimin e qeverisë: Mbaj fjalën!

Presidenti i Maqedonisë, Gjorge Ivanov, ende nuk ia ka dhënë mandatin e qeverisjes liderit të LSDM-së Zoran Zaev.

Mediat maqedonase shkruajnë që Ivanov pret që Zaev dhe partnerët e e tij në koalicion, të sigurojnë garanci për përforcimin e karakterit unitar të shtetit. Sipas kabinetit presidencial, Ivanov kërkon garanci se gjithçka do të jetë në përputhje me Kushtetutën.

Ndërkohë, Ivanov një ditë më parë ka marrë letrën e kryeparlamentarit Talat Xhaferi bëjnë me dije nga kabineti i presidentit.

“Letra e kuvendit ka mbërritur dje. Presidenti Ivanov pret nga lideri i LSDM-së Zoran Zaev të mbajë fjalën publike se me partnerët e koalicionit se do të sigurojnë karakterin unitar të shtetit në përputhje me kushtetutën”, thonë nga Presidenca.

Edhe pse Zaev ka kohë që ka arritur të sigurojë vendet që duhen për të formuar qeverinë e re, Ivanov ende nuk pranon t’ja japë mandatin. Megjithatë Zaev shprehet i bindut se kjo gjë do të ndodhë së shpejti. (D.D/Shuplaka)