Presidenti maqedonas Gjorge Ivanov, takoi sot në Moskë homologun e tij rus Vladimir Putin, me të cilin, siç thuhet në njoftim, kanë shkëmbyer mirënjohje për bashkëpunimin e mirë të dy vendeve dhe shkëmbimin ekonomik.
Putin raportohet të ketë thënë se ndjek me vëmendje gjithçka që ndodh në Maqedoni, shkruan Alsat M.
“Dëshirojmë që situata brenda-politike në Maqedoni të zhvillohet në pajtim me Kushtetutën dhe principet demokratike. Jam i bindur se përvoja, ndikimi dhe autoriteti si president do të ndikojë për këtë”, -ka thënë Putin në takim me Ivanovin.
Ai shprehu kënaqësi që marrëdhëniet ruso-maqedonase përparojnë dhe që ka lëvizje pozitive në shkëmbimin ekonomik mes dy vendeve.
(M.D/Shuplaka)
