Presidenti maqedonas Gjorge Ivanov ka ftuar liderët e partive politike që nesër të shkojnë në zyrën e tij dhe të diskutojnë për situatën e krijuar në vend, raporton Shenja.
Sipas tij askush nga jashtë nuk mund t’i i zgjidhë problemet tona.
“Bëj thirrje në sjellje të përgjegjshme, të gjithë institucioneve, të cilët duhet të sigurojnë institucionet. Çdokush duhet të përgjigjet për veprimet e tij dhe për pasojat që dalin. Kjo gjendje mund të tejkalohet vetëm nëpërmjet respektimit të normativave juridike. I bëj thirrje liderët e partive politike tek unë që të shqyrtojmë situatën. Të shqyrtojmë të gjithë mundësit për të dal nga kjo situatë. Ata kanë marrë besimin nga qytetarët dhe janë përgjegjës për tejkalimin e saj. Askush nga jashtë nuk mund të na i zgjidh problemet”,- ka deklaruar Ivanov.
Ministria e Punëve të Jashtme të Shqipërisë më herët ka reaguar mbi kaosin në të cilin është përfshirë Parlamenti i Maqedonisë.
Ministria e Jashtme shqiptare u bën thirrje të gjithë aktorëve politikë të tregojnë vetëpermbajtje, të mos përdorin retorika që përshkallëzojnë situatën e tensionuar dhe të angazhohen maksimalisht, me qetesi, e gjakftohtesi në një dialog të qenësishëm.
Gjithashtu, MPJ i bën thirrje forcave të rendit të angazhohen në ruajtjen e rendit publik dhe sigurisë së gjithë qytetarëve dhe përfaqësuesve të tyre.
Ministria e Jashtme mbështet thirrjen e ambasadoreve të vendeve të BE-së dhe të SHBA-së për të shmangur dhunën dhe për të nisur një dialog të qënësishëm politik në Maqedoni.
(M.D/Shuplaka)
Discussion about this post