Presidenti i Maqedonisë Gjorgje Ivanov në një deklaratë për mediat ka thënë se platforma shqiptare cënon sovranitetin. Ai i ka kërkuar liderit të LSDM-së, Zoran Zaev që të mos e pranojë platformën shqiptare si kusht për formimin e qeverisë së re.
“Platforma e shqiptarëve është jashtëkushtetuese dhe jashtë marrëveshjes së Ohrit. Me këtë platformë cënohet integriteti i Maqedonisë. Për shkak të kësaj platforme jemi në krizë më të thellë. Cënohet sovraniteti i shtetit dhe i qytetarëve, qytetarët kanë të drejtë të dijnë për përmbajtjen e negociatave, kërkova nga Zaev që tju shpjegon qytetarëve”, ka thënë kështu Ivanov.
Platformën shqiptare Ivanov e ka cilësuar si platformë e një shteti tjetër.
“Qytetarët votuan për reforma dhe jo për ndonjë platformë të një shteti tjetër. Negociata për një platformë të një shteti tjetër është vepër penale. Pres që Zoran Zaev haptas ta dënoj atë platformë para qytetarëve. Kjo heshtje tani që po mbizotëron dëshmon që shteti është në rrezik dhe vetëm qytetarët mund ta shpëtojnë. Të nderuar negociatat për një paltformë të një shteti tjetër, do të thotë të kundërshtosh karakterin unitarë të shtetit tonë sepse cënon sovranitetin e shtetit..
Qytetarët maqedonas votuan për programe partiake dhe jo për një platformë të një shteti të huaj duhet të jemi të matur dhe me përgjegjshmëri sepse çdo gabim mund të shkaktoj pasoja katastrofike. Unë jam betuar se do ta mbroj integritetin dhe pavarësinë e Maqedonisë dhe duke bazuar në këtë betim unë nuk mund ti ndajë mandat asnjë personi që do të cënoj sovranitetin e shtetit. Personat që më kanë kërcënuar i thërras që të bazohen në kushtetutë, ju bëjë apel që asnjë kërcënim nuk do të më ndalon që ta mbrojë kushtetutën. Asgjë nuk mund të më ndryshoj mendjen. Ne nuk kemi shtetë rezervë. Maqedonia është gjithcka që kemi. Nuk do ti jap mandat asnjë partie që do të ketë tendencë për ta rrënuar Maqedoninë, të nderuar qytetarë rrini të qetë”, ka thënë Ivanov.
Kujtojmë se partia shqiptare BDI e Ali Ahmetit, kusht parësor për koalicionin me LSDM-në ka patur pikërisht platformën shqipe. (D.D/Shuplaka)
Discussion about this post