Izet Haxhia, ish truproja i Sali Berishës, ka mbërritur në Aeroportin “Nënë Tereza”. Ai u nis pasditen e sotme nga Stambolli, ndërsa pas pak do të zbresë në Rinas.
Nën masa të rrepta sigurie ai do të transportohet drejt Drejtorisë së Burgjeve, për t’u vendosur në një Paraburgim të Sigurisë së Lartë. Izet Haxhia është dënuar më 25 vjet burg për vrasjen e Azem Hajdarit.
Ndërkohë që brenda Aeroportit të Rinasit kanë mbërritur dhe punonjës të policisë.
Izet Haxhia u vetëdorëzua në policinë turke para disa kohësh, me qëllim që të niste procedura e ekstradimit të tij drejt Shqipërisë.
Lajmin e vetëdorëzimit ai e njoftoi përmes faqes në Facebook. Izet Haxhia u arrestua në vitin 2006 në Turqi, por drejtësia turke nuk ishte shprehur ende për ekstradimin e tij, ndonëse pala shqiptare kishte bërë kerkesa të vazhdueshme në kohën kur në pushtet ishte Sali Berisha.
Për 12 vjet me radhë gjykata turke kishte urdhëruar thjesht që ai të mos largohej jashtë vendit, ndërsa në shkurt të këtij viti befas u mor vendimi që ai të ekstradohet. Izet Haxhia është dënuar nga gjykata shqiptare me 25 vite burg për vrasjen e Azem Hajdarit, akuzë të cilën ai nuk e ka pranuar kurrë. Ekstradimi i tij në Shqipëri mund të çojë në hapjen e dosjes ‘Hajdari.
(M.Q/Faxweb)
Discussion about this post