I dërguari amerikan për çështjet e Sirisë, Tom Barrack, do të udhëheqë një takim të nivelit të lartë të enjten, ku do të marrin pjesë zyrtarë të lartë nga Izraeli dhe Siria. Lajmi u bë i ditur nga media amerikane Axios, duke cituar burime anonime.
Nuk dihet ende se ku do të zhvillohet takimi, por sipas raportimit, fokusi do të jetë siguria në jug të Sirisë, një rajon i brishtë ku tensionet dhe prania e aktorëve të ndryshëm vazhdojnë të jenë të larta.
Qëllimi kryesor i takimit është të forcohet bashkëpunimi dhe komunikimi mes palëve të përfshira, në një përpjekje për të shmangur përshkallëzimin e konfliktit dhe për të stabilizuar situatën në terren.
