Ministri izraelit i Mbrojtjes, Israel Katz, ka njoftuar se ka urdhëruar ushtrinë të përgatisë një plan të detajuar veprimi kundër Iranit, pas një fushate 12-ditore sulmesh të intensifikuara ndaj objektivave strategjike iraniane.
Sipas një postimi të tij të fundit, Katz deklaroi se plani do të fokusohet në ruajtjen e epërsisë ajrore të Izraelit, ndalimin e përparimeve në fushën bërthamore dhe raketore të Iranit, si dhe kundërpërgjigjen ndaj mbështetjes që Teherani i jep grupeve militante.
