Në një deklaratë për shtyp nga seila e Partisë Socialiste, deputeti Ulsi Manja, deklaroi se ka ardhur koha që mbrojtja politikë për Lulzim Bashën të marrë fund dhe se çdokush që shkel ligjin do të ndëshkohet siç parashikohet në Kodin Penal.
Me vullnetin e tij Basha nuk thotë asgjë për origjinën e parave dhe lidhjet e errëta me Kremlinin që e financuan. Deklaratat e rreme në KQZ janë fakt që nuk mund të ndryshohet pavarësisht vullnetit të Bashës.
Prokuroria që duhet të kryejë detyrën e saj për t’i shkuar skandalit deri në fund.
Sipas Ulsi Manjës, kreu demokrat Lulzim Basha ka kryer 6 vepra penale.
“Duhet të hetohet për fshehje te ardhurave, e dënueshme deri në 3 vjet, për falsifikim të dokumenteve zyrtare, e dënueshme deri në 7 vjet burg, të hetohet për korrupsion aktiv, i dënueshëm deri në 3 vjet , për pastrim të produkteve veprës së penale, i dënueshëm me 10 vjet, për akuzën e çeljes së llogarive anonime dhe përvetësim parash ose mallra që rrjedhin nga vepra penale, e dënueshme. Këto akuza PD e Basha i kanë marrë lehtë, të bindur se mund të mbrohen politikisht. Prokuroria të tregojë se koha e pandëshkueshmërisë ka marrë fund. Askush nuk mund të lejohet të vendosë në rrezik sigurinë kombëtare të vendit, duke bërë pazare larg BE.” – tha Ulsi Manja.
(E.L/Faxweb)
Discussion about this post