Qeveria e Maltës për të tërhequr sa më shumë turist ka vendosur që të ndajë për qytetarët kuponë në vlerë prej 100 eurosh, për t’i shpenzuar në bare, hotele dhe restorante.
Dimë se rreth çereku i bruto-prodhimit të brendshëm të Maltës vjen nga turizmi, i cili është ndërprerë plotësisht për shkak të pandemisë së koronavirusit.
Prandaj qeveria e Maltës për t’i dhënë shtysë ekonomisë planifikojë t’iu ndajë të gjithë qytetarëve mbi 16 vjeç nga pesë kuponë prej 20 eurosh.
Katër nga këta pesë kuponë duhet të shpenzohen në hotele dhe restorante. Ndërsa punëtorëve të turizmit, paga subvenionuese prej 800 eurosh do t’iu vazhdojë deri në shtator.
Malta, si shumica e vendeve në Europë, i ka mbyllur kufijtë në mars për të frenuar përhapjen e koronavirusit, edhe pse lehtësimi i masave të izolimit tashmë ka nisur.
Sipas të dhënave të Universitetit Johns Hopkins, Malta ka konfirmuar 630 raste të të infektuarve me koronavirus, prej tyre, nëntë kanë vdekur.
Discussion about this post