Ish-ministri i Brendshëm, Saimir Tahiri i është kthyer aktivitetit sportiv pas shkarkimit nga posti që mbante. Ai ka postuar një foto në “Facebook” me një bari, në Picallë.
Ja dedikimi për të: “E diele me Ramizin, bariu nga Picalla. Bën aq punë sa nuk ka kohë për llafet e politikës së madhe”.
Duhet thënë se prej ditësh Tahiri i zhveshur nga kostumi i politikanit ka nisur takimet me bazën e PS-së nëpër Tiranë.
Në zgjedhjet e qershorit ai do të kryesojë listën e Tiranës.
I porsa kthyer nga vizita zyrtare në Gjermani, kryeministri Edi Rama ka thirrur në zyrën e tij ministrin e Brendshëm, Saimir Tahiri për t’i komunikuar largimin nga detyra. Ndonëse ka qenë në qendër të kritikave, vecanërisht nga opozita, ministri Tahiri është marrë gjithnjë në mbrojtje të hapur nga kryeministri dhe është lëvduar prej tij për punën e bërë.
Largimi i ministrit Tahiri dhe ndryshimet e pritshme, vijnë në një moment kur opozita po kërkon me këmbëngulje krijimin e një qeverie teknike që të garantojë zgjedhje të lira e të ndershme më 18 qershorin e ardhshëm. Opozita ka akuzuar qeverinë për lidhje me trafikun e drogës, për shkak të përhapjes së fenomenti të kultivimit të marijuanës, duke këmbëngulur se me paratë e pista nga narkotrafiku, qeveria do të blejë votat e shqiptarëve. Dhe ministri Tahiri, është njeriu që sipas saj, është përgjegjësi kryesor për situatën e krijuar. (M.D/ Shuplaka)
