Shumë prindër e kanë zakon të përdorin një dritë nate në dhomën ku fëmija fle që nga lindja, gjë që ka absolutisht një qëllim gjatë muajve të parë të jetës së foshnjës, sepse ju e ushqeni dhe e ndërroni atë gjatë natës.
Megjithatë, dritat e zbehta më vonë mbeten ndezur nga shprehia, që në fakt nuk do të duhej të ishte ashtu.
Ekspertët e gjumit theksojnë se foshnjat lindin me dy frikë, nga rënia dhe zhurma të forta, transmeton Telegrafi.
Frikëra të tjera mësohen, përfshirë frikën nga errësira. Prandaj, nëse e mësoni fëmijën tuaj të flejë gjumë me dritën e natës, do të jetë e vështirë ta bindni më vonë të flejë në errësirë.
Pse drita mund të jetë e dëmshme
Ekspertët thonë se ka një ndikim të madh në gjumin si tek foshnjat ashtu edhe tek të rriturit. Studimet kanë treguar se edhe dritat e natës së fëmijëve mund të shkaktojnë hormone të tilla si adrenalina dhe kortizoli që mund të prishin gjumin dhe të nxisin zgjimin, shkruan “ Pam nease sleep”.
Efekti i llambës së natës ndryshon në varësi të moshës së fëmijës dhe sa i ndjeshëm është ai ndaj dritës. Ndërsa një dritë e vogël e natës mund të jetë e mirë për disa fëmijë, për të tjerët mund të jetë shumë stimuluese dhe t’i pengojë ata të flenë mirë. Nëse vëreni se fëmija juaj zgjohet shpesh gjatë natës ose e ka të vështirë të flejë dhe përdorni një dritë nate, ky mund të jetë një tregues se pikërisht ky është problemi.
