31-vjeçari Niko Zaimi u arrestua nga Policia e Tiranës vetëm 30 minuta pas grabitjes së një automjeti tip BMW nga një servis në Laprakë. Ndërsa policia e ndalon, 31-vjeçari fillon me gënjeshtra.
Autori: Për çfarë më bini në qafë? Çfarë doni? Makina është në provë.
Polici: Zbrit pak në tokë djali, të lutem. Duam ta verifikojmë.
Autori: Makina është… po bëhet për provë… Ia mora për një xhiro ta shikoja a është e rregullt.
Ndërsa polica e arrestoi fjalët e fundit të autorit janë: Makina është e një shoku tim.
Ngjarja ndodhi sot rreth orës 14:10.
Detaje:
Rreth orës 13:44, një telefonatë në numrin e emergjencave 112 ka njoftuar se në zonën e njohur si Poligrafiku, tek një servis automjetesh është vjedhur një automjet tip “BMW”. Menjëherë janë angazhuar shërbimet e Policisë së Tiranës, ku rreth orës 14:10 shërbimet e Komisariatit të Policisë Nr 3, në Laprakë, kanë bërë të mundur ndalimin e automjetit dhe arrestimin në flagrancë të shtetasit:
Niko Zaimi, 31 vjeç, banues në Tiranë, i dënuar më parë për “Vjedhje”. Ky shtetas ka përfituar nga momenti që mekanikët e kishin lënë automjetin tip “BMW”, të ndezur në hyrje të servisit dhe e ka marrë duke u larguar me shpejtësi. Materialet proceduriale do t’i kalojnë Prokurorisë pranë Gjykatës së Shkallës së Parë Tiranë, për veprën penale “Vjedhja” parashikuar nga Neni 134 i Kodit Pena, shkruan një portal online. (J.V/Shuplaka)
