Ndoshta mund të kesh paratë e gjithë botës, po kjo nuk do të thotë që rreth vetes mund të kesh shumë njerëz.
Kjo ka ndodhur me manjatin rus Roman Abramovich i cili është fotografuar i vetmuar teksa ka qenë duke pushuar në superjahtin e tij prej 338 milionë euro, disa ditë pas lajmit për ndarjen nga gruaja e tij e tretë.
Pronari i Chelsea është fotografuar në Antibe, pranë një resorti luksoz mes Kanës dhe Nisës, ku ai ka një prej vilave të tij, për të cilën e ai harxhoi 32 milionë euro për ta rinovuar pasi e bleu në 2001-shin.
Abramovich, pasuria e të cilit mendohet të jetë rreth 7 miliardë paund, së fundmi ka vendosur që të jetojë i ndarë nga gruaja e tij.
Burime pranë çiftit bëjnë me dije për Daily Mail se 50-vjeçari dhe bashkëshortja e tij e tretë, Dasha Zhukova, 36 vjeçe, prej disa kohësh bënin jetë të ndryshme.
(E.K/SHUPLAKA)
Discussion about this post