Jahti me turistë jep alarmin në Adriatik, forcat e kapitenerisë së Durrësit nisen për….

Një jaht me turistë austriakë ka dhënë alarmin “SOS” në Detin Adriatik dhe burime bëjnë me dije se kapiteneria e Portit të Durrësit është nisur për t’i ardhur në ndihmë.

Mësohet se jahti në fjalë mban flamurin e shtetit të Austrisë dhe në të dyshohet se ndodhen tre turistë.

Bëhet me dije se ai ndodhet rreth tre milje larg brigjeve të Durrësit dhe deti paraqitet mjaft i trazuar për shkak të motit të keq ku forca e tij arrin në 6 ballë.

Alarmi është dhënë nga Kapiteneria e Portit të Durrësit ku mësohet se është fikur motorri i jahtit dhe për këtë turistët kanë thirrur për ndihmë.

Kapiteneria e Portit po dërgon mjetin Rimorqator për t’i shpëtuar.

(F.GJ/FAXWEB.AL)