Skandalet e operacionit të policisë për sekuestrimin e automjeteve e tregon fare qartë Klaudio Beci nga qyteti i Tepelenës.
Ai ka pohuar që prej datës 9 shkurt i është sekuestruar makina nga ana e DVP Gjirokastër pa asnjë arsye pasi ishte me dokumentacionin e nevojshëm dhe jo makinë luksi.
Por sipas vellezerve Beci e vetmja arsye e sekuestrimit është pasi ai ka vuajtur dënimin në burg për çështje narkotike.
Ata kanë 20 ditë që vijnë në polici dhe kërkojnë automjetin e tyre pasi disponojnë dokumentacion përkatës.
“Më kanë arrestuar byrazerin, motive është se ka bërë burg. Makina ka 20 ditë e kyçur. Përse ma kanë sekuestruar makinën, kam 15 vite në emigrim, gruan e kam mësuese jam nga Tepelena. Dua të di tani. Jetoj me qera, kam 2 milionë lekë kredi. Të vijnë të më hetojnë. Nuk e di çfarë motivesh kanë, unë nuk merrem me politikë.”- tha pronari i mjetit.
Ndërkohë vëllai tjetër që u ndalua nga policia, tha se e kanë shoqëruar për shkak se është i djathtë dhe se kërkojnë të bëhet socialist.
“Unë po drejtoja mjetin dhe më parë kam qenë dënuar për drogë. Më kanë sekuestruar mua makinën. Kam marrë pjesë në votimet e PD-së, unë jam familje e djathtë, prandaj më godasin dhe duan të më bëjnë socialist me pahir.”- u shpreh Beci.
