“Jam veçanërisht i turpëruar, pasi nuk ka ndershmëri në sistemin e drejtësisë, sepse është lënë të bjerë shumë poshtë”. Kështu është shprehur Gjon Junçaj, prokurori shqiptaroamerikan ndërsa iu fliste pjesëmarrësve në aktivitetin në “TED EX Tirana”.
Eksperti i misionit OPDAT për Reformën në Drejtësi, Junçaj, ka më tepër se një vit e gjysmë që është vendosur në Shqipëri. Mirëpo Juncaj është treguar tepër kritik lidhur me sistemin e Drejtësisi ne vend.
“Nëna ime ishte e fiksuar për drejtësinë. Ajo thoshte se ‘nëse bën diçka gabim, do të kesh probleme’. Nuk kam parë asnjëherë kaq shumë njerëz viktima të pafajshëm të lënë të pambrojtur nga sistemi i drejtësisë sesa këtu në Shqipëri”, theksoi Junçaj.
Megjithatë, prokurori vazhdon të mos e humbë shpresën se situata mund të përmirësohet.
“Kam një ndjenjë që dua ta ndaj me ju, ajo është shpresa. Nuk mund t’ia dalim nëse nuk bëheni të gjithë bashkë. Duhet të kuptoni një gjë. Ju keni zë. Jeni shumë, ndërsa ata janë pak. Ka ardhur koha për të ndërtuar një vend për të cilin duhet të jeni krenarë”, theksoi prokurori shqiptaro-amerikan, me origjinë nga Shkodra.
Sakat, Juncaj dha edhe përshtypjet e tija personale lidhur me këtë situatë ku ndodhet Shqipëria sot.
“Shumë të rinj po braktisin shtëpitë e tyre për të gjetur alternativa të tjera. Dua të jem i ndershëm me ju. Jam i turpëruar për ata njerëz të pafytyrë, që kanë shkaktuar dhembje për njerëzit në disa sektorë, si në kujdesin shëndetësor dhe në atë të edukimit. Njerëzit kanë nevojë të shkollohen, pavarësisht kush janë”, theksoi prokurori shqiptaroamerikan. (D.D/Shuplaka)
https://www.youtube.com/watch?v=sbWaEZ2JbH0&t=16s
