Botuesi dhe pedagogu i njohur Ndriçim Kulla, përmes një postimi në facebook ka falenderuar Presidentin Ilir Meta për ndihmën e dhënë dhe kujdesin e trguar ndaj tij, në këto ditë që ai po përballet me virusin Covid-19.
Kulla thekson se angazhimi i presidentit Meta ia ka bërë më të lehtë shërimin nga infektimi dhe një gjë e tillë e ka impresionuar jashtë mase.
Postimi i plotë: Një falenderim personal për z Ilir Meta
President i Republikës I nderuari Ilir!
Të falenderoj me një mirënjohje të thellë nga zemra ime për kujdesin e jashtëzakonshëm që po tregoni për mua këto ditë për të ma bërë më të lehtë shërimin nga infektimi i koronavirursit që unë po kaloj këto ditë. Jam impresionuar tej mase nga sjellja juaj plot humanizëm të gjerë. Sot në Shqipëri humanizmi ose njerezillëku,si e quanin të parët tanë , po pakësohet me shpejtësi për t’u hapur rrugen veseve moderne. Në këtë barbarizëm sjelljesh,që ka kapur shumë njerëz shqiptarë ,unë,ndonëse vëmendjen e kam te sëmundja ime që më ka zënë ,gjithsesi ndihem shumë i lehtësuar që pata një mik me vlera të rralla ,i cili mu ndodh pranë e po më ndihmon në këto ditë të tilla!
Me respekt Ndriçim Kulla
Discussion about this post