Pas pas mesnatës së sotme në rrethana ende të paqarta është qëlluar me armë zjarri në pjesën e jashtme të murit të banesës së 26 vjeçarit Xhuljano Maraj, në Selenicë.
Faxweb.al mëson se 26-vjeçari është punonjës në Bashkinë e Selenicës ndërsa është shprehur per gazetaren e Fax news Afrovita Hysaj se nuk ka pasur probleme me persona të tjerë, dhe nuk iu ka dhënë punonjësve të policisë asnjë indicie lidhur me autorët e mundshëm.
Ai ka treguar se nuk kanë parë asnjë prej autorëve, ndërsa gjurmët e plumbave duken në të gjithë muret e shtëpisë.
“Mbrëmë rreth orës 1 pa 20 dëgjuam të shtëna, dhe menduam se kishin gjuajtur jashtë. Në mëngjes i pamë që kishin gjuajtur portën, muret, erdhi Policia dhe gjeti rreth 30 gëzhoja. Ka pasur dy armë të ndryshme me të cilat është qëlluar, nuk kam pasur asnjë konflikt me asnjë person. Jam në hallin tim, në punën time. Policia vazhdon hetimet, mund të kenë qenë dy deri në tre persona”, shprehet Maraj në Fax News.
Fatmirësisht nga të shtënat nuk ka persona të lënduar, ndërkohë që ngjarja ka terrorizuar familjarët që kanë qenë në banesë. Mësohet se drejt banesës janë gjuajtur më shumë se 30 plumba, ndërsa e gjithë familja ka qenë në gjumë, pa mundur që të shohin autorët.
Grupi hetimor ndodhet në vendngjarje ku po kryen veprimet e mëtejshme hetimore në lidhje me identifikimin dhe kapjen e autorit.
(E.K/Faxweb.al)
Discussion about this post