Presidenti i Republikës së Turqisë, Recep Tayyip Erdogan, shprehet i bindur se reformat e ndërmarra në Turqi nuk e bëjnë atë diktator. Pavarësisht se shifrat nuk janë bërë zyrtare por flasin për një fitore të tij të referendumit, Erdogan këmbëngul se planet e tij për të marrë përsipër të tjera kompetenca nuk cenojnë lirinë e vendit, nuk e bëjnë diktator atë.
Në intervistën ekskluzive të dhënë për CNN, ai u shpreh se paketa e reformës kushtetuese e mbështetur nga një shumicë e ngushtë e votuesve në referendumin e së dielës, nuk ishte rreth tij. “Unë jam një njeri, mund të vdes në çdo moment”, u shpreh ai.
Pavarësisht se plani i paraqitur nga partia e tij, AKP, i jep Erdoganit pushtet të pakontrolluar, ai hedh poshtë akuzat për dëshirë për të fuqizuar veten: “Sistemi i ri përfaqëson një ndryshim, një transformim në historinë e demokracisë së Turqisë.”
Sipas kushtetutës së rishikuar, Erdogan do të jetë në gjendje të shfuqizojë postin e Kryeministrit dhe të marrë kompetenca të reja të reja për të sunduar me dekret. Marrëveshjet e reja i japin atij fuqinë për të emëruar një kabinet dhe disa gjyqtarë të lartë. Fuqia e Parlamentit për të shqyrtuar legjislacionin është e frenuar.
“Aty ku ekziston diktatura nuk ka një sistem presidencial. Këtu kemi kuti votimi. Demokracia merr pushtetin e saj nga njerëzit. Ajo që ne duam është vullneti kombëtar”, u shpreh presidenti Erdogan për CNN-në.
Referendumi shihet gjerësisht si një referendum për Erdoganin, i cili e udhëhoqi vendin e tij për më shumë se një dekade drejt rritjes ekonomike dhe zhvillimit, së pari si kryeministër dhe më pas si president.
(XH.A/SHUPLAKA)
Discussion about this post