Ditën e djeshm e në media u njoftua se Ministria e Arsimit kishte paditur katër drejtorë lokalë të arsimit.
Sipas njoftimit, ministria ka evidentuar disa raste të pjesëmarrjes të punonjësve në pozicione drejtuese të cilët në kundërshtim me ligjin, janë angazhuar në aktivitete të fushatën zgjedhore në kundërshtim më përcaktimet ligjorë.
Për të gjithë rastet për të cilat ka fakte të dokumentuara, Ministria e Arsimit dhe Sportit ka depozituar sot me datë 05.06.2017, pranë organit të Prokurorisë në rrethet përkatëse dhe duke informuar edhe Prokurorinë e Përgjithshme, për drejtuesit, si më poshtë:
Përgjegjësi i Zyrës Arsimore Librazhd, znj. Fatbardha Qatja
Përgjegjësi i Zyrës Arsimore Gramsh, z.Xhevit Dyrmishi
Përgjegjësi i Zyrës Arsimore Bulqizë, znj. Bedrie Manjani
Drejtori i Drejtorisë Arsimore Rajonale Lezhë, z. Bardhok Pula
Pas këtij lajmi ka reaguar menjëherë Drejtori i Drejtorisë Arsimore Rajonale Lezhë, Bardhok Pula. Ai shprehet se është habitur nga ky lajm.
“Janë akuza politike, unë nuk kam marrë pjesë në fushatë. Kam tre vite që e drejtoj këtë institucion. Unë jam socialist nuk e mohoj, por kjo nuk përbën krim. Unë e nis punën çdo ditë në orën 8 të mëngjesit dhe e mbyll në 4 pasdite’’, shprehet Pula. (E.K/SHUPLAKA)
