Sherri mes tre banorëve në shtëpinë e “Big Brother”, konkretisht mes Damianos, Ervinit dhe Olsit ka sjellë debate edhe jashtë kësaj shtëpie. Si çdo të dielë zhvillohet emisioni “Big Brother Fun Club”, por ditën e djeshme aty ka pasur një mospërputhje mendimesh mes Albana Osmanit dhe Olti Currit. Olti Curri si opinionist mbështet mendimin se djemtë duhet të përjashtoheshin nga loja, ndërsa Albana si prezantuese nuk e sheh si një sherr që duhet zmadhuar kaq shumë.
Albana Osmani: Në edicionet e mëparshme të Big Brother kemi pasqyruar….
Olti Curri: Duhet të sqarojmë diçka këtu…
Albana Osmani: Olti më ler ta mbaroj, që pasqyrimi i banorëve që futen në Big Brother, i asaj çfarë transmetojnë është shpesh herë një përplasje e shtresave të ndryshme të shoqërisë shqiptare…
Olti Curri: Nuk jam dakort fare. Është pasqyrim inteligjence edhe formimi, edukate. Nuk ka lidhje shtresa fare.
Albana Osmani: Shtresa të ndryshme të shoqërisë, nuk po më kupton…
Olti Curri: Unë njoh njerëz të cilët janë të varfër dhe goxha zotërinj dhe të pasur që të vjen ndot kur i shikon…
Albana Osmani: Një sekondë më ler ta mbaroj, tani ke sensin e kundërshtimit, si është çështja.. Më lejo ta mbaroj argumentin..
Olti Curri: Por e zbut situatën..
Albana Osmani: Nuk jam duke e zbutur, më vjen keq…
Pas kundështimeve dhe injorimeve, pika kulminante ka qenë kur Albana shkëput fokusin nga biseda dhe i drejtohet të eleminuarve të deritanishëm prezentë në studio. Por Olti e ndërpret duke i bërë pyetje gazetares së ftuar për të vijuar linjën e diskutimit. “Jam unë duke drejtuar programin”, thotë Albana dhe e ndërpret emisionin. Pas publicitetit prezantuesja ka kërkuar falje për situatën e krijuar. (J.V/Shuplaka)
https://www.youtube.com/watch?v=uaPB_2N6N8Y
Discussion about this post