Drejtori i Departamentit të Mjedisit në Partinë Demokratike, dhëndri i ish-kryeministrit Berisha, Jamarbër Malltezi, ka shigjetuar së fundmi kryetarin e Bashkisë së Tiranës.
Ai ka shpërndarë një video ku shihet një mjet, tip kamion që në rrugët e Tiranës lë pas shtëllunga të shumta tymi. Një moment të kalimit të këtij mjeti i referohet dhe Malltezi që ironizon Erion Veliaj:
“Ironia është që ky tmerri që ndot ka të shkruar “Të mbajmë Tiranën të pastër” Shyqyr që kemi mushkëri të forta për të thithur tymra të tilla që të mbajmë pastër Tiranën?”
Thirrja “Të mbajmë pastër Tiranën” përsëritet shpeshherë nga kryebashkiaku i Tiranës në daljet dhe aktivitetet e organizuara, ku ai u kërkon që qytetarët të ndërgjegjësohen e të veprojnë së bashku për të mbajtur pastër Tiranën e për të mos lejuar shkatërrimin e hapësirave të përbashkëta. (XH.A/SHUPLAKA)
Discussion about this post